Հայտարարություն

Հետաքրքրության հայտ ներկայացնելու հրավեր
Պոտենցիալ երկրաջերմային կայանի տնտեսական և ֆինանսական գնահատում,
GT-CS-6/2008
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՀԱՅԱՍՏԱՆԻ ԵՐԿՐԱՋԵՐՄԱՅԻՆ ԾՐԱԳԻՐ
ԽՈՐՀՐԴԱՏՎԱԿԱՆ ԾԱՌԱՅՈՒԹՅՈՒՆՆԵՐ`ԱՆՀԱՏ ԽՈՐՀՐԴԱՏՈՒԻ ԸՆՏՐՈՒԹՅՈՒՆ
ԳԼՈԲԱԼ ԲՆԱՊԱՀՊԱՆԱԿԱՆ ՀԱՍՏԱՏՈՒԹՅԱՆ (GEF)
ԴՐԱՄԱՇՆՈՐՀ TF 093653
ԾՐԱԳԻՐ No P114409
ՀԵՏԱՔՐՔՐՈՒԹՅՈՒՆՆԵՐԻ ՀԱՅՏ
Սույն Հետաքրքրության Հայտ Ներկայացնելու Հրավերը հետևում է այս ծրագրի համար Ընդհանուր գնումների ծանուցմանը, որը տպագրվել է dgMarket-ում,  2008թ-ի դեկտեմբերի 8-ին:
Հայաստանի Հանրապետությունը դրամաշնորհ է ստացել Գլոբալ Բնապահպանական Հաստատության կողմից Վերականգնվող Էներգետիկայի Ծրագիրը իրականացնելու համար և նպատակ ունի գումարների մի մասն օգտագործել խորհրդատվական ծառայություն ձեռք բերելու համար:
Խորհրդատուն ընտրվելու է 2004թ.  (վերանայված 2006թ.) Համաշխարհային բանկի կողմից հրապարակված ՙՀամաշխարհային Բանկի վարկառուների կողմից խորհրդատուների ընտրությունն ու վարձումը՚  ուղեցույցով սահմանված ընթացակարգերի համաձայն:

Հիմնական նպատակը: Սույն առաջադրանքի նպատակն է իրականացնել Քարքար պոտենցիալ երկրաջերմային տեղանքի տնտեսական և ֆինանսական գնահատում` 2D ՄԹ ուսումնասիրության, 3D զոնդավորման ուսումնասիրության, ինչպես նաև 2D  Թ և 3D ՄԹ ուսումնասիրության արդյուքների անկախ մեկնաբանության հիման վրա: Հիմնական առաջադրանքները հետևյալն են`

Առաջադրանք 1. Էլեկտրակայանի նախնական գաղափարի մշակում.

·    Քարքար տեղանքի ջերմաստիճանի և այլ հիմնական պարամետրերի գնահատում, որոնք էական նշանակություն ունեն էլեկտրաէներգիայի հնարավոր արտադրության համար,
·    Առավելագույն հավանական ջրի պարամետրերի վրա հիմնված ջերմային ցիկլի տարբերակների բացահայտում /էնթալպիան, հորատանցքի ելքային ճնշում, հորատանցքի արդյունավետության կոր,  ջրի անջատման  նվազագույն ճնշում և այլն/,
·    Երկրաջերմային հորատանցքի տարեկան պոտենցիալի գնահատում,
·    Ընդհանուր կապիտալ և ՇևՊ ծախսի գնահատում:
Առաջադրանք 2. Ծրագրի տնտեսական և ֆինանսական կայունության վերլուծություն.
·    Ծրագրի տնտեսական կայունության գնահատում: Խորհրդատուն պետք է գնահատի առաջարկվող երկրաջերմային էլեկտրակայանի տնտեսական արժեքը և բացահայտի, թե ինչպես է գնահատված նորմալիզացված արժեքը համեմատվում բազիսային կայանի այլ տարբերակների հետ`  Հայաստանում արտադրությունը  ընդլայնելու համար /ներառյալ նոր ատոմային և CCGT-երը/: Տնտեսական գնահատումը պետք է իրականացվի հաշվի առնելով բազիսային տեսակի կայանների գնահատված միջին մատակարարման արժեքը, համաձայն Համաշխարհային Բանկի կողմից պատրաստված Հայաստանի Էներգետիկ ոլորտի խնդիրների Ծանուցման /հոկտեմբեր, 2011/:
·    Ծրագրի ֆինանսական կայունության գնահատում: Խորհրդատուն պետք է գնահատի ծրագրի ֆինանսական կայունությունը` հիմնվելով գնահատված ֆինանսական արժեքների և օգուտների վրա: Ֆինանսական վերլուծությունները պետք է իրականացվեն  հաշվի առնելով բազիսային էլեկտրաէներգիայի սակագինը, որը հավասար է նորմալիզացված տնտեսական արժեքին, և սահմանվել է նախկին  գործունեության և բազիսային WACC-ի շրջանակներում, հիմք ընդունելով հանրային ծրագրի 100% պարտքի ֆինանսավորումը:
·    Զգայունության վերլուծության ընթացքում  գնահատել հիմնական փոփոխականների/ներդրումների փոփոխությունների ազդեցությունը /ներառյալ, սակայն  չսահմանափակել հորատանցքի արտադրողականությունը, կապիտալ ծախսերը, սակագները/ ծրագրի տնտեսական և ֆինանսական կայունության վրա:
·    Տնտեսական և ֆինանսական գնահատման արդյուքների հիման վրա Քարքար տեղանքում հետախուզական հորատում իրականացնելու անհրաժեշտության վերաբերյալ հիմնավորման նախապատրաստում:

Որակավորման տվյալներ.
·    Նվազագույնը մագիստրոսի կոչում ճարտարագիտության, էներգետիկայի, տնտեսագիտության, ֆինանսների բնագավառում կամ MBA,
·    Նվազագույնը 8 տարիների նմանատիպ միջազգային փորձ էներգետիկայի ծրագրերի տնտեսական և ֆինանսական գնահատման բնագավառներում, ներառյալ տեխնիկա-տնտեսական հիմնավորումները, նախնական տեխնիկա-տնտեսական հիմնավորումը, էներգետիկայի ոլորտի ներդրումների ազդեցության գնահատումը, էներգետիկայի ոլորտի աշխատությունների նախապատրաստումը, ներդրումների պլանավորումը, էներգիայի արտադրության տարբերակի ուսումնասիրությունը:
·    Հայաստանի էներգետիկ ոլորտի փորձը, ներառյալ տեխնիկա-տնտեսական հիմնավորումների նախապատրաստման փորձը, էներգետիկ ոլորտի աշխատությունները, և այլ վերլուծական խնդիրներ միջազգային և երկկողմանի դոնորի կողմից ֆինանսավորված ծրագրերում:
·    Անգլերեն լեզվի իմացությունը (գրավոր և բանավոր) պարտադիր է:

Հայաստանի Վերականգնվող Էներգետիկայի և Էներգախնայողության Հիմնադրամը հրավիրում է հետաքրքրված թեկնածուներին ներկայացնել ծառայությունների տրամադրման համար հետաքրքրության հայտ: Շահագրգիռ անձիք իրենց դիմումները` ինքնակենսագրական տվյալներով (CV), հայերեն և անգլերեն լեզուներով, կարող են ներկայացնել հիմնադրամի տնօրեն Թամարա Բաբայանի անունով մինչև 2012 թվականի մայիսի 11-ը` ժամը 18:00 հետևյալ հասցեով.

Հայաստանի վերականգնվող էներգետիկայի և էներգախնայողության հիմնադրամ   
ք. Երևան, Պռոշյան 1-ին նրբանցք, տուն 32
Լրացուցիչ տեղեկությունների  համար զանգահարել
+ (37410) 588 011 ժամը 09.00-ից մինչև 18.00-ը
Զարուհի Ղարագյոզյանին
և այցելել հիմնադրամի կայքը` www.r2e2.am
Ֆաքս        + (37410) 541 732
Էլ. փոստ    info@r2e2.am