Հայաստանի վերականգնվող էներգետիկայի և էներգախնայողության հիմնադրամը (R2E2) ներգրավվել է որպես «Նաիրիտ» գործարանի բնապահպանական վերականգնման և ռեգեներացիայի ծրագրի (այսուհետ՝ Ծրագիր) նախապատրաստման իրականացման կառույց Ծրագրի նախապատրաստման նպատակով Համաշխարհային բանկը Հայաստանի Հանրապետությանը տրամադրվել է 1.5 միլիոն ԱՄՆ դոլար դրամաշնորհ՝

Ծրագրի հիմնական նպատակն է մշակել համալիր տեխնիկական, բնապահպանական և սոցիալական լուծումներ՝ նվազեցնելու հանրային առողջության և շրջակա միջավայրի համար առկա ռիսկերը, որոնք պայմանավորված են գործարանի տարածքում կուտակված վտանգավոր քիմիական նյութերով և հնարավոր աղտոտվածությամբ։

 Ծրագրի նախապատրաստական փուլի շրջանակում նախատեսվում է՝

  • իրականացնել գործարանի տարածքում առկա բոլոր քիմիական նյութերի ամբողջական գույքագրում և լաբորատոր վերլուծություն,
  • գնահատել շենքերի, շինությունների, տեխնոլոգիական սարքավորումների և պահեստավորման համակարգերի տեխնիկական վիճակն ու աղտոտվածության մակարդակը,
  • ուսումնասիրել հողի և ստորերկրյա ջրերի աղտոտվածությունը և կազմել բնապահպանական ռիսկերի քարտեզ,
  • վերլուծել և ընտրել վտանգավոր նյութերի անվտանգ հեռացման, վնասազերծման, մշակման և վերջնական կառավարման առավել արդյունավետ տեխնոլոգիական լուծումները,
  • մշակել քիմիական թափոնների և մնացորդների կառավարման ռազմավարություն,
  • իրականացնել ծրագրի բնապահպանական և սոցիալական ազդեցության գնահատում, ներառյալ հանրային առողջության վրա հնարավոր ազդեցությունների ուսումնասիրությունը,
  • մշակել ծրագրի իրականացման փուլային գործողությունների ծրագիր, նախնական բյուջե, մոնիթորինգի և ռիսկերի կառավարման մեխանիզմներ։