Հայաստանի վերականգնվող էներգետիկայի և էներգախնայողության հիմնադրամը ստեղծվել է 2005 թվականին՝ ՀՀ կառավարության ապրիլի 28-ի N 799-Ն որոշմամբ: ՀՎԷԷ հիմնադրամը ինքնուրույն իրավաբանական անձ  է, հիմնադրի կամավոր գույքային վճարների հիման վրա ստեղծված և անդամություն չունեցող, ոչ առևտրային, շահույթ ստանալու նպատակ չհետապնդող կազմակերպություն է և գործում է անժամկետ:

• Նպաստել վերականգնվող էներգետիկայի և էներգախնայողության ոլորտի զարգացմանը,
• Խթանել շուկայի զարգացմանը և ոլորտում ներդրումների ներգրավմանը,
• Մշակել էներգետիկ անվտանգության, էներգետիկ համակարգի հուսալիության աստիճանի բարձրացմանն ուղղված մեխանիզմներ,
• Պետության անունից կազմակերպել և իրականացնել ոլորտի զարգացմանը խթանող վարկային, դրամաշնորհային և այլ ծրագրեր,
• Նպաստել շրջակա միջավայրի, մարդու առողջության վրա տեխնածին ազդեցության նվազեցմանը:

Ծրագրին մասնակցելու համար անհրաժեշտ է լրացնել համապատասխան դիմումի  ձևը, ինչպես նաև լրացնել տեղեկատվական թերթիկ հանրային շենքի էներգատեխնիկական բնութագրերի վերաբերյալ։